ArkiTrip: Madrid 1

Apirilaren 13an euskarazko lehenengo kurtsoko ikasleek Madrilera bidai bat egin genuen. Goizean fakultarearen atean autobusa hartu genuen, eta 4 ordu gutxi gora behera iraun zuen bidaia egin genuen. Madrilera heltzean albergera joan ginen maletak eta uztera, eta segidan Reina Sofia museora joan ginen (Atochan). Bertan harrituta geratu nintzen sarreran eratu zen patio itxi horrekin, non kolore gorri eta plateatuek burdinarekin eta argi naturalarekin jolasten zuten. Patioaren erdian eskultura bat zegoen. Museoan Cristina Iglesias arkitektaren erakusketa ikusi genuen. Hemen espazioekin eta texturekin jolasten zuen.

Bisita hau eta gero Mataderora joan ginen. Hemen jan eta gero eremu hau ikusi genuen. Matadero Madrid hiriaren matadero zaharra zen, baina zaharberritu zen, eta orain eremu ikaragarri hau erakusketa aretoz, liburutegiz eta plaza handiz josita dago, denak hiriko biztanleen aisialdirako prestatuak. Esan daiteke eremu hau hiri bat dela beste hiri baten barnean.

Arratsaldean Tabacalerara joan ginen. Hemen eraikin bat bi funtzioekin topatu genuen. Lehenengo sartu ginen Gasteizko gaztetxearen antza zeukan gune batean, non duten baliabideekin eraikina eramaten dute eta  ‘’anarkia’’ batean bizi direnean. Gero ezkerraldera zegoen beste eremura sartu ginen. Hau beste eremuaren egitura berdina zeukan, patio zentral bat arkuez josia, eta honen inguruan aretoak. Diferentziarik nabariena da bigarren hau erakusketa leku bat zela eta dena txukun eta dotore zegoela. Hemen erakusketa bat zegoen non margolan famatuak zeuden, baina pertsonairik gabe.

Bisita hau eta gero denbora librea hutsi ziguten, eta Lavapies auzoa eta Malasaña auzoa bisitatu genituen.